اسئله محيرانى

مع انى مكنتش ناوى اكتب حاجه فلسفيه
بس لاقيت عاوز اكتب
يمكن الاقى اجابه لاسئله محيرانى

هو ممكن تخد قرار وانت عارف انك هتندم عليه؟؟
هتندم كل يوم
كل لحظه
ومفيش حاجه تنسيك الندم ده
ومع ذلك تخد القرار
والسبب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
متعرفش حتى السبب يستحق ولا لا
كل اللى تعرفه
انك لازم وحتما تعمل كده

هما اختيارين

تخد القرار ده وتندم انت بس لوحدك
لو مش تخده وبرضك فيه احتمال مش اكيد بس موجود
انك تندم بس مش لوحدك
تندم بعد ما تكون اذيت ناس تانيه معاك

بديهى اوى الكل هيقول لا اندم لوحدى ومااذيش حد

—————–
السؤال التانى

ايه اللى بيدى قيمه لحياتك؟
يعنى ايه اللى يخلى الانسان يصحى من النوم وينزل ويشتغل ويتعب ويشقى
كل ده ليييييييييه
ايه اللى يجبره عل كده
الطموح؟؟؟؟؟؟؟
وهيستفاد ايه لما يخد جايزه نوبل
الاولاد؟
الاهل؟
طب لوملوش اولاد ولا اهل؟؟
يعمل لحياته قيمه من وين؟؟؟؟؟؟؟؟؟؟؟؟؟؟

يلاااااااا تعتبكو دماغكو فلسفه النهارده كفايه عليكو كده

نشر بتاريخ  on مايو 14, 2009 at 2:56 م 13 تعليقاً

عنوان تتبع هذه التدوينة: http://dodo610.wordpress.com/2009/05/14/%d8%a7%d8%b3%d8%a6%d9%84%d9%87-%d9%85%d8%ad%d9%8a%d8%b1%d8%a7%d9%86%d9%89/trackback/

خلاصة "RSS" للتعليقات على هذه التدوينة.

تعليقات Leave a comment.

  1. On مايو 14, 2009 at 5:37 م hager Said:

    الاسئله المحيره دي لا مفر منها موجوده علي طوول
    وبالذات عند الحاسوباتيه بتبقي دوبل :D

    ايوه ممكن تاخد قرار تندم عليه بس زي ما انت قولت تندم عليه لوحدك احسن ما يبقي في حد غيرك معاك
    ساعدتها هتحس بندم وتانيب ضمير
    يبقي الحل الاولاني احسن :)

    لو ملوش اولاد ولا اهل يحاول يعمل لنفسه اهل
    بتهيقلي دي قيمه كبيره ممكن الواحد يعيش عشانها

    رد
  2. On مايو 14, 2009 at 6:02 م angel Said:

    هو ممكن تخد قرار وانت عارف انك هتندم عليه؟؟
    هتندم كل يوم
    كل لحظه
    ومفيش حاجه تنسيك الندم ده
    ومع ذلك تخد القرار
    والسبب
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    متعرفش حتى السبب يستحق ولا

    بما ان

    كل اللى تعرفه
    انك لازم وحتما تعمل كده

    يبقى يستحق
    اصل الجمله اللى فوق دى مش من فراغ اكيد منبعها من جوا اوى
    انا بدات اقتنع ان الاحساس اصوب وانجح ميت مره من التفكير

    طب لوملوش اولاد ولا اهل؟؟
    يعمل لحياته قيمه من وين؟؟؟؟؟؟؟؟؟؟؟؟؟؟

    هو فيه حد الايام دى معندوش اهل !!!!

    رد
  3. On مايو 14, 2009 at 6:02 م soul_of_darkness Said:

    إجابة السؤال الأول
    إحم إحم

    اوعى تعمل حاجه وتندم عليها , الندم مش هايساعدك انك تصلحها اللى حصل حصل خلاص فحاول تطلع من موود الموقف ده وتصلح الغلط اللى حصل لانك المسئول عن حدوثه

    \\ انا عمرى ماندمت على حاجه عملتها برغم ندرة إختياراتى الصحيحه بس مفيش حد مابيغلطش

    إجابة السؤال التانى
    إحم إحم برده

    الجانب المعنوى والطمع المباح .
    انا طول ماانا ناجح فى شغلى مثلا بحاول أوصل لحاجه أفضل واعلى مستوايه وبكده برضى نفسى معنويا وطمعى المباح انى اوصل لوضع احسن من اللى انا فيه مهما كان وضعى الحالى حلو .
    ودايما الانسان مايملاش عينه الا التراب

    انا اتخنقت من فلسفتك ياضياء فقولت اخنقك بفلسفتى انا كمان
    اى خدمه :D :D :D

    رد
  4. On مايو 14, 2009 at 6:03 م dodo610 Said:

    اه فعلا بتبقى دوبل

    حته حلوه ان الحل الاولانى ندم بس
    انما التانى ندم وتانيب ضمير

    “لو ملوش اولاد ولا اهل يحاول يعمل لنفسه اهل
    بتهيقلي دي قيمه كبيره ممكن الواحد يعيش عشانها”

    لا مش قصدت كده
    الاى قصدته زى ما فى الافلام واحد يلاقى نفسه لوحده فى جزيره
    ومفيش غيره يعمل قيمه لحياته ازاى

    شكرا عل الاجابه الدوبل

    رد
  5. On مايو 14, 2009 at 6:33 م dodo610 Said:

    @angel
    “اصل الجمله اللى فوق دى مش من فراغ اكيد منبعها من جوا اوى
    انا بدات اقتنع ان الاحساس اصوب وانجح ميت مره من التفكير
    ”
    مع انه المفروض العكس وان التفكير انجح من الاحساس
    بس فعلا كلامك صح

    “هو فيه حد الايام دى معندوش اهل !!!!”
    زى ما جاوبت هاجر
    واحد فى جزيره لوحده

    رد
  6. On مايو 14, 2009 at 7:20 م dodo610 Said:

    “إجابة السؤال الأول
    إحم إحم”

    اوعى تكون بتجاوب كده فى الامتحانات
    للاسف ياعمرو
    فيه ندم بيعد يومين تلاته
    وفيه ندم بيبقى علطول وديه حقيقه مش تكبير وتهويل للموضوع

    جميله اوى اجابتك للسؤال التانى
    بس فيه حاجه
    ان الجانب المعنوى معتمد عل الناس اللى حوليك
    اللى تقدر مجهودك ونجاحك وتشاركك فرحك

    وبرضك اقول واحد فى جزيره لوحده يعمل اييييييييييييه؟؟؟؟؟؟؟

    ويلا يهمك فلسفتك حلوه اساسا

    معلش يا جماعه هو جزئيه رخمه بس بجد فكروا فيها وهتلاقوها
    مفيده
    ان الواحد يلاقى قيمه لحياته ويفهم نفسه هو معتمد عل الناس عشان ينجح ولا ممكن ينجح لوحده لو الناس وقفت فى طريقه
    وزى ما قال عمرو مش خد منهم الجانب المعنوى

    رد
  7. On مايو 17, 2009 at 10:04 م my fate Said:

    والله
    أنك تعمل حاجة وتندم عليهاا
    لأ طبعاااااااااااا أصل الندم ده وحش جدااا وبعدين لو كمان ممكن ناس تانية هتندم معاك يبقي لأ خالص
    وبعدين هو الكلام ده على ايه؟؟؟ حاسة أنه موضوع معين
    أعمل قيمة لحياتي بكل بساطة أني لما أصحي من النوم يبقي عندي هدف وبعدين يجي عليا اليوم اللى أحققه وأدخل أنام مرتاااحة جدااا أني عملته
    وممكن أحقق قيمة لنفسي لما أبقي على الجزيرة لوحدي أني أقدر أواجه الموقف ده وأعيش ومش أعمل حاجة حرام مثلا وأنتحر أكيد دي لوحدها قيمة أني أواجه موقف زي ده
    وممكن أحقق قيمة لحياتي لما أعمل الحاجة اللى ربنا خلقني عشانها أصلا أني أعبد ربنا بجد واعتقد ده المهم
    بس كده
    أصلي غاوية فلسفة وعلم نفس أنا
    أى خدمة
    سلاااااام

    رد
  8. On مايو 19, 2009 at 6:32 ص dodo610 Said:

    @myfate

    “أعمل قيمة لحياتي بكل بساطة أني لما أصحي من النوم يبقي عندي هدف وبعدين يجي عليا اليوم اللى أحققه وأدخل أنام مرتاااحة جدااا أني عملته”

    انا مندهش من البساطه ديه

    رد
  9. On مايو 30, 2009 at 1:14 م la principessa Said:

    سلام عليكم
    الحقيقة اجابة اول سؤال
    هى “”اه ممكن اخد قرار واندم علية لوحدى احسن ميبقى حد غيرى ندمان هوا كمان وعامتا المواضيع اللى زى دى بتتساب للظروف
    مش لازم نحسم قرار من اولها”"
    تانى سؤال
    الاجابة هيا “”اللى بيدى قيمة لحياتى هيا الناس اللى عايشة معايا وحواليا وبتحبنى وبحبهم….يعنى لو عايشة ف جزيرة لوحدى …حياتى ملهاش اى لازمة ولا اى وجود ولا قيمة”"”
    بس كدا :)

    رد
  10. On مايو 31, 2009 at 1:18 ص dodo610 Said:

    @la principessa

    وعليكم السلام

    الظاهر انه فعلا اندم لوحدى ولا اندم حد غيرى

    “اللى بيدى قيمة لحياتى هيا الناس اللى عايشة معايا وحواليا وبتحبنى وبحبهم….يعنى لو عايشة ف جزيرة لوحدى …حياتى ملهاش اى لازمة ولا اى وجود ولا قيمة”

    كلام زى الفل
    الناس للى حولينا هيا اللى بتدى حياتنا قيمه
    طب لو واقفين ضدنا بقى ;(

    رد
  11. On يونيو 6, 2009 at 1:47 م Dola Said:

    :( :(:(
    يا ساتر عليك ياضوضو اية التشائم دة

    بص يا سيدى اول سؤال
    هو ممكن تخد قرار وانت عارف انك هتندم عليه؟؟

    لو متأكد انك هتندم علية ببساطة ماتخدوش على شان مفيش حاجة تستاهل دلؤتى

    ثانى سؤال

    ايه اللى بيدى قيمه لحياتك ؟

    حاول ياضياء تنجح فى شغلك و ماتحطش فى دماغك اية اللى جاى بعد كدة

    وسيبها لله وانا دائما اقولك كدة

    يلا ماتوجعش دماغك ;)

    سلام يا حبى

    رد
  12. On يونيو 19, 2009 at 11:06 م Lana Said:

    السلام عليكم …
    مش انت لوحدك اللي بتسأل الاسئلة دي
    وخاصة السؤال التاني …
    بس خلينا في السؤال الاول ..الاول
    شاعات بنعمل حاجات غلط واحنا عارفين انها غلط
    وساعات ما بنبقاش عارفين …
    النقطة في الموضوع الغلط لحد فين و الندم لحد فين
    طب لو انت صح و متأكد انك صح ..لكن ممكن النتايج تكون مؤثرة شوية … يمكن تخسر ناس .. بس لو انت صح اتخذ القرار بلا تردد ..حتى لو ندمت في الحالة دي هتلاقي لندمك عزاء ..خد بالك الصح (لازم يكون له مرجعية دينية في الحالة دي )

    السؤال التاني
    ليه بعمل كذا..ليه و ايه قيمة اللي بعمله ؟؟
    الدوافع …ايا كانت .. بلاش الدوافع ..(بتاعة ابراهيم الفقي دي )..لو مفيش دوافع (طموح داخلي او تشجيع من الناس اللي حواليك ………..>>>

    احنا مخلوقين لعمارة الكون
    قال تعالي :”اني جاعل في الارض خليفة” صدق الله العظيم
    لخلافة الله في الارض … يعني لكل واحد فينا سبب لوجوده في الحياة ..
    اعمل بنية ارضاء الله وعمارة الكون بنية العبادة
    هيه دي اكبر قيمة تحسها لعملك وللأسف معظم الناس نسيت الحكاية دي دلوقتي
    و يمكن كلامي يبان مثالي او مستحيل او عايز مجهووود خرافي عشان تطبقه … بس صدقني دي الحقيقة

    و على رأي اللي قال (نفض وريح دماغك )

    رد
  13. On يونيو 30, 2009 at 6:41 ص dodo610 Said:

    dola@

    تشاؤم ايه بس ده اسئله عاديه
    لا ياسيدى انا مش فى موقف اختيار اخد القرار او لا
    انا فى موقف اختار واحد من اتنين

    انجح فى شغل باى هدف ومهو مش تنقعنى ان الواحد هيبقى
    زى الاله شغال شغال وخلاص بدون هدف اخنا بشر ولازم يكون لعملنا هدف

    @lana
    والله كويس الواحد يطمن انه مش لوحده

    اجابه السؤال الاول انا فاهم قصدك وهيا فتره التاثير يوم اتنين وخلاص الواحد ينسى يمكن ده فعلا صحيح
    بس فى حالتى التاثير دايما وده مش تهويل انامتاكد من كده

    اجابه السؤال التانى
    فعلا عندك حق فى ديه

    رد

Leave a Comment