وكانت الصدمه…. الله يحرقك يا دى اس زفت

طبعا مش هفوت يوم فله زى النهارده ولا ماده افل منه

من غير ما احفر عل بلوجتى  الحبيبه

كان ياما كان ايام ما بدانا الترم

قالو فيه ماده اسمها دى اس بى

طبعا ديه ماده خطييييره  حاجه كده نخش فى الكنترول سيستم ونبدا نلعب فى الروبتات شويه

وكانت اول مفاجه بايخه بايخه يعنى

مين اللى هديها

يا سيدى مش مهم الدكتور اللى هيديها

نخش فى المعيد

وهنا بقى جتلى صدمه عاطفيه

بسم الله ما شا الله

دكتور ومعيده من احب الناس لقلبى

يا سلاااااااااااااااام

ايه النعيم اللى انا فيه ده

واخيرا فقدت الامل

“اعتبرها ماتت اعتبرها ماده وراحت”

النهارده كان اليوم السعيد بتاع الماده السعيده

ال ايه

حضرتى عشان يزاكر

صور سكاشن الماده

اجى ازاكر اكتشف ان الراجل مصورلى تلات صفح بالعدد مصورهم يجى عشر مرات

ده عل اساس انى المفروض ازاكر 30 مره ولا ايه مش فاهم

امسك الكتاب

سطر… سيبك منه

اللى بعده…. سيبك منه برضه

انا شكيت انى مش بفهم

طقت فى دماغى حاجه

بما ان لينا خبره مع الدكتور اللى بيحب فينا بقاله 3 سنين

روحت لعمو وجوجل

وقعدت ادور لحسن يكون مؤلف كتابنا اللى ملوش كيان ده

يكون ميييييين

william stalling

للاسف مطلع له كتاب فى الدى اس بى

كان هيوفر عليا جامد لو كان طلع هو المؤلف

مكنتش هتعب نفسى فى انى ازاكر

اصلى مش هفهم ولو بعد مليون سنه من واحد عبقرنيو زيه

المشكله بقى انى بزاكر باليل قبل الامتحان كده بكام ساعه

طب انا اعمل دلوقتى كتاب مفيش فهم

سكاشن متصوره 10 مرات

قررت اخطف رجلى وانزل للواد عبده يقولى هو ايه المنهج اساسا واللى فيه ويشرحلى

الحمد لله حفظلتى كام قانون

نفعو فى الامتحان

سخريه الاقدار انى كنت ناوى اكتب اسمى وامشى

بس انا وعبد الحميد عندنا مبدأ انه من العار نسيب سؤال او جزئيه مش تتحلل

وفيه عنده مبدأ حلو جدا بينفع

انت مش بتحل سؤال انت بتنتقم من السؤال والدكتور

يعنى اكتب كل ما تعرف عن الماده من يوم ما اخترعوها

خلى الدكتور يزهق انه هيقرى كل الاجابه الطويله ديه ويديك 10 /10 بمجرد النظر

المفاجاه اللى بعد كده

كان تانى سؤال

مطلعش سؤال فى الدى اس بى

كان سؤال فى الاتصلات اللى هيا ماده السنه الى فاتت

وعشان كده بفكر اطلع نظريه جديده

زاكر السنه ديه تحل السنه الجايه

يلاااااااااا ماده وعدت

كنت عاوز افش غلى بس

مش من الامتحان لا من الدكتور والمعيده

بس وانا بفش غلى افتكرت حتت لذيذه فى الامتحانات ديه

اول ماده الاو اس

وانا وسط الشباتر

فجاه لاقيت كلمه operating system

اندهشت وقولت ايه ديه اللى جاب الكلمه ديه

معنها ايه

هيا مش كانت operation system

فى الامتحان بقى

كان جمبى مصطفى

مسك الورقه لاقى list list list discuss

ساب الورقه ونام (هههههههههههههههههههههههههههههههههههههههههه )

انا كنت هموت من الضحك بعدها قررت فى كل امتحان اقعد جمبه

فى الايه اى بقى

كان طالب خوارزميه مش حافظها بس فاهمها وعارف ماشيه ازاى

وعشان نظريه ما تسبش  سؤال

قررت اعمل خدعه حلوه

كتبت الخوارزميه بس مش  كتبت فيها الاكواد

كتبت فيها التعريفات  بس ونادت عل ميثودز تانيه

information hiding بقى (;

اجازه سعيده