اخيييييييييييييييييرا
عرفت ايه المشكله
ايه الغلط
من تالته ثانوى تقريبا
وانا كل يوم بسئل نفسى
انا غلطت فى ايه
انا عملت ايييييييييييه
واهوه 4 سنين
واخيرا اكتشفت
منكرش انى من يويمن بعد ما تعبت من السؤال
ملاقتش غير حل واحد
ان الغلط مش حاجه انا عملتها
لا الغلط
هو
انا ذات نفسى
مش عارف ده صح ولا ايه
بس دلوقتى
ومع الاحداث الجاريه
لاقيت انه الغلط حاجه تانيه
الغلط هو الطيبه
اصل بعيد عنكو
الطيبه طلعت يعنى السذاجه
ااه والله
طلعت يعنى الاستغلال
حضرتك طايب اذن تعال استغلك
العبط او الطيبه (لامؤاخذه يعنى)
انك لما حد يسئ اليك
لما حد يجرحك
لما حد يسببلك الم مهما كان
او حتى
يضايقك حبه صغريين كده
انك تبقى طايب
وتقول” معلش
عنده ظروف خلته يبقى كده
بعدين حالته تتحسن”
وانت ياروح الروح عل طيبتك
مفيش منك اتنين يا عبد البديع
عايش فى الجنه حضرتك
الحياه عندك فوشيا
تحوش جواك وتكوم (تقريبا مفكر انها فلوس سايبه)
وفى الاخر
تلاقى ان انت بقيت كتله حزن
كتله الم
خلاص هتنفجر
ومهما عملت مش عارف ترتاح
مهو انت بقيت حضن الام
كل واحد صابع رجله الصغير بيوجعه
يجى يطلع اللى فات والى جاى عليك يا حضن الام
اصل تقريبا معندكش صوابع صغيره زى بقيت الناس
وعاشن بقى حضرتك ترتاح
لازم تصلح الغلط
يبقى تقلب من طيب لوحش
ااااااه
وحش
لما حد يقولك كلمه ولا يعملك حاجه تضايقك
اوعى تخبى
اوعى تكتم
باللى فى ايديك واديله
ومفيش مانع باللى فى رجلك
تيص بقى حوليك
متلاقيش حد
اومال فين الناس اللى كانت بتحبك فى يوم من الايام
راحو فين؟؟؟؟؟؟
مش هتلاقى حد غير انت وبس
ولا اقولك
انت واللى فى رجلك
طب ده ليه
مهو يا عبييييييط
قصدى يا طايب
كانو بيحبوا طيبتك الساذجه
بيحبوا يستغلوك
مش بيحبوك انت
طايب وايه الحل
اممممممممممممممممممممممم
ديه بقى حقيقى
معنتش عارف
زمان قولت لاخوى
اننا نتعامل مع الناس حلو
قالى فيه ناس تستاهل وناس لا
قولته لا
مفيش حد مش يستاهل
كلنا نستاهل
بس الظروف بتخلى حبه فينا وحشين
بس دلوقتى اللى شايفه
انه شكلها فعلا كده
فيه ناس مش تستاهل
مجرد اننا نفكر فيهم
***********************************
بس كده
اه
فيه حاجه نسيتها
كل واحد
غلط فى يوم من الايام
فى حق حد تانى
هيدفع التمن
وهيدفعه كويسسسسسسسسسسس
اوووووووووووووووووووووووووووووووووووووووووى
وان مكنش فى الدنيا
هيبقى فى الاخره
مهو مينفعش كدا برضو انك تبقي وحش دى حاجه مش كويسه يعنى هو انت حاول تبقي متوازن بين الاتنين ولا طيب لدرجه السذاجه ولا وحش لدرجه الشر يعنى
فكر تانى في الموضوع
سلام
بص يا ضياء
هو فى ناس يستاهلو اننا نعاملهم كويس بس غريبة اوى انى بعد فترة بندم انى عاملتهم كويس
وفى ناس بعاملهم و حش و بندم انى عاملتهم وحش
بس المفروض تعامل الشخص اللى ادامك على حسب ماهو بيعاملك
مينفعش تعامل الناس كلها بمعاملة واحدة
وبعدين اية عبد البديع دى
اما اشوفك بس
سلام يا ضوضو
يمكن طيب اه
بس مش شرط الطيب يبقي عبيط
خليك طيب مع الطيب
وعامل الناس برضه زى ما تحبك أنهم يعاملوك
ولو وحشين يبقي عاملهم كدا وقولهم أن أنت كدا معاهم عشان هما كمان كدا معاك
نفسي فى حاجة واحدة قبل ما أموت الناس تبقي صريحة وواضحة سواااااااااا
فى رأيك ده ممكن يحصل؟؟؟ ولا أروح اموت؟؟
يللا ما علينا خالص
وفعلا فكر تاني في الموضوع
سلام
@key of life
وبرضك مينفعش انى امشى فى الشارع .. ده متخانق معاه وده مخنوق منه وده غلس وده وده
@عادل
تصدق فعلا سااعات بندم انى عاملتهم حلو
@my fate
“نفسي فى حاجة واحدة قبل ما أموت الناس تبقي صريحة وواضحة سواااااااااا”
اعتقد فيه ناس معينه لازم تطبق الجمله ديه قبل ما تقولها
مش كل الناس بتتقبل الصراحة يا باشا
ده غير ان مش كل الظروف تقدر تبقي صريح فيها
فيه فرق صغير كدا بين أنك تبقي صريح مع حد وأن كلامك معاه ممكن يبقي وقاحة مش صراحة
ما تروحش تقول لواحد أنت كداب ومتسلط وقليل الأدب مثلا
وتقوله انا بقولك الحقيقة لأ دي اسمها وقاحة
بس لما تبقي مضايق من حد عامة ابقي لمح له لو مضايق منه عشان صفات وحشة مش هينفع تقوله براحة يبقي التلميح كفاية
وكفاية تلميح بقي
وعلى فكرة مش هتمشى فى الشارع وانت حاسس أن كل الناس ملائكة أكيد فيه ناس هتضايق منهم وهتتخنق منهم وهتتقرف منهم بس فيه ناس برضه هتحترمهم وناس هتحبهم
وأعتقد أن لما بضايق من حد في حاجة اقدر اتكلم فيها باتكلم ولا ايه حضرتك؟؟؟؟
أه وعلى فكرة مش ينفع تبقي صريح وواضح مع حد مش بيعاملك بلمثل الموضوع لازم يبقي رايح جاي
سلام بقي