هى: فارس الاحلام بتاعى يجى عل حصان ابيض يخطفنى (وشويه حاجات عجيبه وبما اننا فى 2008 فهنفترض ان الحصان الابيض معناه عربيه فخمه كده)
هو: السندريلا بتاعتى ليها عيون البحر تسحر كل اللى حوليها( وبرضك حاجات عجيبه وبرضك فى 2008 فالشعر السايح اكيد مستعار والعيون اكيدلينسز
اى حاجه تانيه اكيد فى عمليات تجيمل)
ده كان حلم زمان لمفهوم البنت عن فارس الاحلام والولد عن السندريلا
يمكن دلوقتى نفس الفكره الخياليه موجوده مع بعض التعديل طبعا
السؤال هنا
ايه هو التعديل ده؟؟؟؟؟؟؟؟؟؟؟؟؟؟؟؟؟؟؟
ونحدد الفكره اكتر
عندنا اتنين داخلين فى ارتباط رسمى
من قبل الارتباط
انت ليه اخترت ديه (بصيت عل ايه الشكل من بره ولا الروح من جوه)
وايه ممكن نقدر نقول انه اثر فيك وخلاك تختار ديه عن ديه
(البنت المؤدبه- المتدينه-الدلوعه- المرحه والذيذه-الرومانسيه- المسترجله(وسورى عل الكلمه يعنى))
وانتى برضك نفس السؤال
يعجبك ايه
الشخصيه القويه (طول الوقت زعيق وشخط تحسى كده انك مرتبطه بفرقه حسب الله)
الشخصيه الرومانسيه(يمشى فى الشارع يشم فى ورد )
الشخصيه الروشه والذيذه ( بنظام ايخ ايخ انى بضحك معاااااكى خخخخخخخخخخخخخخ)
الشخصيه الفارغه(هو مفيش اسم كده بس ده معناه ابو اوصه عل النحيه اليمين وارفعها شويه ياسطى وسلسله كده عليها عفريت تقريبا وشايل علبه سجاير مهو بقى راجل بقى)
كل واحد له استايله الخاص
ممكن واحد يقول افضل واحده لذيذه
بس ده كان قبل الاربتاط مثلا
نجى نفكر بقى بعد الجواز فعلا
هل انت فعلا مستعد تتحمل الصفات الى اخترتها قبل الجواز رسمى
بمعنى
الذيذه ديه وابو اوصه ومش عارف ايه
لو جينا نفكر فيهم بعد الجواز
عندك استعداد فى واحده من لذتها تحس انها مش اد مسئوليه
الموضوع ده موجود فعلا
نلاقى فى الشارع او فى الجامعه اتنين اتنين كده
تحس انهم خلاص
دابين
سمنه عل عثل يا ولاد
طب ما نكملها
ونجيب مأزون
تلاقيه ارتبك وتلاقيها ارتكبت
لا لا
هتجوز واحده كنت بمشى معاها
وهيا تبص عليه من فوق لتحت كده
ايه ده متكنش نفرتيتى بس متنكر فى صوره ولد
ده كان فى الاختيار
نجى بقى للتعامل والحياه اليوميه
كان فيه قصه ان واحده بتسال جوزها
انت ليه مش بتجيبلى هدايا زى ماكنت بتعمل قبل الجواز
قالها هو حد بيحط طعم للسمكه بعد ما يصطادها
فكره القصه نظريا صح
وهى ديه المشكله
عارفين فى علم النفس بيقولك انه حاجه طبيعه جدا الخوف من الجواز والمسئوليه وتعمل حسابك ان حاحجت كتير هتتغير فى حياتك
واهم حاجاه ان تانى يوم هتلاقى شكل تانى خالص غير اللى انت تعرفه هتلاقى شعر منكوش ومنفوش كانها لسه واخده شحنه كهربا وهيا برضك شايفك نفس المنظر
الفرق بين قبل وبعد الجواز فرق شااااسع وكبير اوى
قبل
ايشى الهدايا
وايشى الخورجات
وايشى العوزمات من الاهل
وايش الرومانسيه
بعد
انا نازل الشغل – مش فاضى اخرجك-راجع من الشغل تعبان – عاوز انام -وراى شغل بكره-عملتى غدا ايه
وراى مطبخ وغسيل ومسح
حاجات كتيره كده
هو الغلط فى ميييييين ولا فى ايه
فى الفكره ان الواحد هيقضى حياته سعاده فى سعاده (زى قبل الجواز خورجات وفسح)
ولا الراجل مش فاهم مراته عاوزه ايه
ولا المودام مش فاهمه انه بيتعب عشان يخيلها ملكه فى بيتها
فيه ناس الكلمه البسيطه عندها او مجرد القرب له معنى كبير
زى الام مش مش محتاجه تجيب هدايا وبتاع عشان تقول لولادها بحبها ليهم
وفى المقابل فيه ناس بتحس ان الكلمه كانت وهتفضل مجرد كلمه
لا هتاكل ولا هتعيش حتى
وان الاحسن من ورده تدبل تانى يوم وتترمى
بيت -حساب فى بنك- مجوهرات
انت مين فيهم ؟؟؟؟؟؟؟؟؟؟؟
اللى ببرضى بكلمه بسيطه ومش عاوز غير الاحساس بالامان
ولا تحب يبقى ليك حساب وعريبه عل اساس ان ده الضمان بجد
